Irudi bidezko edo idatzizko informaziorik ez dugun arren, jakin badakigu pasa den mendearen hasieran, Mesedetako Amaren jaia aitzakia izanik, Areetan zeuden yateetako marinelek parte hartzen zuten estropadak antolatzen zirela. Badakigu seguru ere, 1934. urtean gutxienez “Sociedad de Remo del Embarcadero” izena zuen traineru bat egon zela estropada horietan parte hartzen. 40. hamarkadan zehar tripulazioa izan zuten lau edo sozietate gehiago egotera heldu zela badakigu ere: Raspas, Abra Club del Mar, Arenas Club, Real Sporting Club… Hasiera hauetan talde hauek egindako ekintza gogoangarri nabarmenena 1945 urteko trainerilla txapelketa irabaztearena izan zen.

50. hamarkadan zehar, berriro ere, hainbat denboralditan zehar batel txapelketetan parte hartu zuen klubak.

1969. urtean, Sestaoko Iberia arraun klubak utzitako batel batekin, gazte koadrila batek lehenengo aldiz eman zuen izena federazioan “Club de Remo Raspas del Embarcadero” izenarekin, eta izen horrekin hasi ziren parte hartzen txapelketa ezberdinetan. Urte horretatik aurrera, klubak denboraldi guztietan hartu du parte txapelketetan, zenbaitetan emaitza gogoangarriak lortuz kategoria eta modalitate ezberdinetan.

80.hamarkadaren erdian lortu zen traineru bat uretaratzea eta modu xume batean hasi zen kluba kategoria horretan parte hartzen.

90. hamarkadan zehar maila on bat eskuratu zuen klubak hainbat urtetan zehar lehen mailako traineru ligan parte hartuz eta zenbait ikurrina eta garaikur bereganatuz. Hamarkada honen bukaeran, kluba krisi momentu bat bizi zuen, arranulariak beste klub indartsuago batzuetara joan zirelarik. Berriz ere, ia hutsetik hasi behar izan zuen klubak herriko haur talde batekin.

Zazpi urte beranduago, 2005 urteko denboraldian, Raspas arraun taldea Areatarrarekin berragertu zen Euskadiko traineru ligan. 2006 denboraldian KAE ligako bigarren taldean egon da parte hartzen eta leku berean arituko da ere 2007 denboraldian.