Pasai Donibane Iberdrola

Historia

Elkartea 1965eko azaroaren 12an sortu zen. CLUB ATLETICO KOXTAPE izena ezarri zitzaion, bere xedea atletismoa garatzea baitzen.

Izen hori, Pilar Sansinenea andrearen omenez ipini zen; izan ere, berari bururatu zitzaion desagertutako atletismo pistari izen hori jartzea.

Foto antigua de Koxtape

Pilar Sansineneak, guda aurretik euskal kulturan itzal handia izan zuen emakumeak, familiako negozio xumea zeukan bere senarrarekin batera, Jesus Elosegi Irazusta jauna, Aranzadi zientzia elkarteko sortzailea. Hauen bizilekua, aipatu KOXTAPE pistaren ondoan zegoen.

Kultur maila handiko bi pertsona hauek eragin handia izan zuten Pasaia Donibaneko gazte jendearen kirolzaletasunean, atletismoan batik bat.

Elkarteko kideek, ordea, garai hartako instalakuntzen maila kaxkarra eta material eta instalakuntzen urritasunak gazteei sortzen zizkien zailtasunak ikusirik, beste kirol bati ekitea erabaki zuten, hasiera batean arrauna hautatuz, Aulki Mugikorra arloan hain zuzen ere. 1967a zen.

Arrauna Pasaia Donibanen nagusi izan arren, artean ez zen arraun mota hori jorratu eta gure elkartea izan horren sustatzaile.

Kirol mota hau praktikan jartzeko instalakuntza aproposa bageneukanez, Pasaiako Badia alegia, berehala zabaldu zen eta horrekin batera Aulki Finkoa atala ere praktikan jartzen hasi zen, bere modalitate guztietan.

Urte batzuk geroago, PIRAGUISMOA errealitate bihurtu zen.

1965ko azaroaren 12an sortutako lehenengo Gida Batzordeak, honakoek osatu zuten.

  • Ohorezko Lehendakaria: Jesús Elosegi Irazusta jauna.
  • Presidente: José María Sistiaga Sorondo jauna.
  • Vicepresidente: José Antonio Garmendia Múgica jauna
  • Idazkaria: Laureano Murugarren Larramendi jauna.
  • Diruzaina: Ramón Puy Elizalde jauna.

Harremana

Ez dago Pasai Donibane Iberdrolaren kontaktu informaziorik