1862 Lehenengo aipamena Hondarribiaren parte hartzeaz, lehia Baionan izan zen eta irabazi zuen.

1868 Hemengo traineru batek irabazi zuen Donostiako eta Mutrikuko traineruei.

1891 Donibane Lohitzuneko estropadetan bi trainerurekin irabazi zuen, lehendabizikoa eta bigarrena geratuz “Bi lagun”-patroia: Antonio Sorondo (portukoa); “San José”-patroia: Román González (kaletarra).

1892 "La Coruña" izeneko traineru batekin irabazi zuen Donibane Lohitzuneko estropada.

1893 Biarritzeko estropada irabazi zuen.

1895 Berriro ere Biarritzen irabazi zuen.

1920an lehen aldiz parte hartuko du Kontxako estropadetan "Ama Guadalupekoa" izenarekin. Izan zituen traineruak beste izen batzuk, hala nola: Ondarrabittarra, Virgen del Mar, San Antonio, Ama Guadalupekoa, Elkano III.

1934 eta 1935ean Kontxan parte hartu zuen bi trainerurekin, kalekoa eta portukoa, baina azkenean bakarra gelditu zen, hau da, portukoa eta oraingo kolorearekin, berdea.

40ko hamarkadan Kontxako estropada guztietan parte hartu zuen, 1946an izan ezik. Lau bandera lortu zituzten:

1941 Patroia Román Aguirre

1943 Patroia Pedro González

1947 Patroia Bernardo Elduayen

1948 Patroia Bernardo Elduayen

1947an Kerizpe kluba txapelduna izan zen estatu mailan, Trainerilletan.

50ko hamarkada ez zen ona izan gure trainerurentzat, hiru aldiz besterik ez zuen parte hartu Kontxan eta bitan estatu mailan Trainerilletan.

1960an sortu zen oraingo kluba, urte garrantzitsua izan zengure arraun- historian. Garaipenak iritsi ziren, lau bandera segidan irabaziak Kontxan (1965-1968). Jose Angel Lujambioren eskutik, “generalisimo”ren bi kopa irabazi ziren (1966-1968), Nerbioko bi sari nagusi (1967-1968)

1965an ospatu ziren Kantauriko bi lehia, bata Santoñan eta bestea Donostian. Garai hartako trainerurik onenek parte hartu zuten, hau da: Pedreñakoa eta Hondarribikoa. Bitan Hondarribia nagusi izan zen.

En 1965 se celebran dos desafíos del cantábrico consistiendo en dos regatas celebradas en Santoña y San Sebastián. Participan las dos mejores traineras de aquellos años, la de Hondarribia y la de Pedreña, ganando Hondarribia ambas regatas.

70ko hamarkadan nahiz eta parte hartze handia izan, ez zen kasik garaipenik izan , Santoñako eta Marina de Cudeyoko banderak 1973an lortuak dira.

80ko hamarkadan bost alditan parte hartu zuen Kontxan, 1988a izan zen urterik onena, Santander, Castro, eta Portugaleteko banderak irabazi zituen.

1985an hasi zen Hondarribiko Ikurrina estropada antolatzen.

90ko hamarkadan asko izan dira “Ama Guadalupekoa”ren garaipenak. Baina hori oraingo kontua da...

Hondarribia Arraun Elkartea